電波家庭之泰國橫風橫雨水燈節之旅_Day 3

話咁快就第三天啦!一早起身終於見到太陽伯伯!大家心情頓時開心好多，係咁二食過少少早餐就出發啦!今天我的細妹直頭連早餐都唔食，點解!?因為我哋今日係會去文華食LUNCH BUFFET，細妹話唔想比D CHEAP野阻住個胃既空間喎!

唔好浪費時間，唔等船啦BY TAXI 去SIAM PARAGON 先! 十點鐘就開架啦SHOPPING LA 無時間啦，明天要返香港架啦!各位GO GO GO~~~~

到咗SIAM PARAGON ，第一時間當然係去INFORMATION COUNTER 度攞番張Tourist Card 先啦!有DISCOUNT 架喎，有冇野買都要攞定先! (Supermarket 都有5% OFF，買爸爸都有折)，記得攞呀，佢哋要你SHOW個PASSBOOK 架!

由於大家都掛住買野，所以冇咩影相喎!!

之後我哋去咗BEAUTY BUFFET 度掃貨 (大至上每一個BTS 站都會有一間架，好放便架，我最LIKE 既係佢既牛奶係列既PRODUCT!同埋自己係有舖買MASK既'引'所以見到有MASK買買買啦，媽咪就在SUPERMARET度掃貨，各有所好~~~

這個化裝袋唔駛錢架，係SALES 姐姐比我架，我D細妹都有架!佢一次過送咗4個BAGS 比我哋，多謝晒，或許我哋太有禮貌，DUM得SALES 姐姐好開心掛....WAKAKAKA !!!!!

時間差不多啦，要起程去文華啦BOOK咗12點架 (Buffet Time from 12:00noon - 2:30pm, Mondy - Friday, 星期六同日時間係長D架)

文華D SHUTTLE BOAT

一早已經BOOK咗WINDOW SEAT，點知一坐就知LAI 野,太陽伯伯好勁，晒到我死下死下!MANDARIN 既食物質數好好，絶對好過SHERATON!!因為Lord Jim's的食物真係比人食架^^ (好似講到不留餘地咁)!尤其係鵝肝，魚生， 甜品，沙拉，烤ROCK LOBSTER都好好味!!拍得住Grand Hyatt Bangkok's Buffet (近四面佛)

 

 

吃飽啦，大家都好滿足，媽咪話要返酒店休息，所以我哋就送佢返酒店順便放低頭先買的戰利品!我哋唔係住文華，但D STAFF 比我哋上船，還送我哋去RIVER CITY (Sheraton is next to River City)，嗱!!!這才叫做5 星呀!!!朋友~~~我哋到達RIVER CITY後發現有一條天橋可以直接通往SHERATON架，都方便的，RIVER CITY係一個商場，不過冇野好行架!!

安頓好媽咪後，我哋立刻出發，第一站係GATEWAY EKAMAI， BTS - Ekkamai Station，成個商場好似去咗日本咁，賣的貨品好多都係日本貨，而且有好多日本餐廳，都好值得去試架，因為時間問題，所以我哋係冇食野，因為只係SHOPPING都就快冇時間啦仲食咩 ^^

這間舖頭同香港既屈人寺相似，但係D BEAUTY PRODUCT都有好多唔同既品種架，又唔貴喎，我有飲開既骨膠原飲品仲平過BIG C, HKD5 乍....D MASK 都有好多種類架，又係唔貴架!!唔駛講入貨啦~~~~

 

這個涼茶粒我細妹話係好野喎~~~唔想飲涼茶....又想清熱氣!!食佢啦~~~

之後我哋去咗TERMINAL 21 - BTS - ASOK STATION!! 做咩!?唔駛講啦- S-H-O-P-P-I-N-G啦!

買呀買呀，個個好似赤柱出黎咁，好似從未買過野咁，連晚飯都唔食，都要行行行，大家都話文華個buffet 吃得好飽可以唔食~~~咁就唔食啦~~~

大家行得好倦啦，最後一晚細妹們都想去行夜市，BY BTS Saphan Taksin Station,點知返到碼頭大雨到不得了!! 又閃電又行雷，我哋企在碼頭十五十六咁，問心講我去唔去冇所謂反正去過啦，但我3個妹就未去過，最大個細妹就最鬼想去，最細2個就冇所謂，因為雨落得好大，本來冇計要返酒店，但突然個天冇落雨喎，又咁啱去夜市既船又來到上緊客，見到個妹想去，好啦就去啦，唔好講咁多啦上船!!!!!

又有花船為泰皇同水燈節做rehearsal!! 今次還放煙花添!!

都係果句...大家都掛住買野，影咩鬼相呀~~~~~~


待續...